Mujhay phir lot
jana hai, achanak toot jana hai
Keh meray dais say aagay koi pardais mera muntazir
hai
Aor merya dostoon ny meray hathoon mein safar ka
zaad bhi pakra dia hai
Guzishta kal ki sab batein bhulaay ja raha hun
Par woh batein jo tery hassas chehray par numayan
thein
Woh sary lafz jo ashkoon ki soorat aankh mein utray hain.
Teray khamosh paikir mein chupay ghamnaak afsanay
Teri guftaar ki rim jhim teray raftaar kay mosam,
Teray kirdaar ka moti,
Teray dil say ubalty khoon kay bay awaz say naghmay
Teray chehray kay khal o khad, nighahoon mein
chupay darya
Teray ehsaas ki shiddat, teray jazbaat ki hiddat
Main sab kuch yaad rakhun ga, main sab kuch yaad
rakhun ga.
Teri khamosh awazein, meray maazi ka hasil ban kay
ubhrein gi
Mujhay
ab lot jany day, mujhay ab lot jany day